Fesootaiga taimua ai tagata faigaluega
E i ai le manatu maualuga e avea Kāinga Ora ma faalapotopotoga e faatupu avanoa e faafaigaluega ai tagata mai soo se ituaiga tupuaga ma tomai ma faatuputeleina agaifanua e sapaia uma ai tagata i galuega uma matou te faia.
E avea Kāinga Ora ma faalapotopotoga manaia e faaosofia ai le ola galue, e lagolagosua i taumafaiga e saunia ai auaunaga, ma e tausisia le va fealoai ma paaga autu ma ē o saunia oloa ma auaunaga faapea tagata ma faalapotopotoga o matou galulue faatasi. E lē natia le faalagolago o le ausia o sini autu nei i le gafatia e le faalapotopotoga ma ē uma o galulue ai e sapaia ma faatuputeleina aga taualoa ma faiga faavae e sapaia ai tupuaga ma tomai eseese ma sapaia ai tagata uma.
E avea Kāinga Ora ma faalapotopotoga e mau eseese ai tupuaga ma sapaia ai tagata uma, ma e faamoemoe ia maua e tagata:
- Avanoa faigaluega sa'o ma tutusa ma e aunoa ma ni faiga faailoga tagata.
- E maua ai le lagona saogalemu, puipuia ma le faatauaina i galuega o tofia ai.
- E saoloto ai le faaali o lona ituaiga tagata moni.
- E fesootai, malamalama ma atagia ai tagata o faia i ai le tautua.
E tele fesootaiga o taimua ai tagata faigaluega ma o avanoa e saoloto ai le talanoa, fefaasoaai ai ma faatupu ai manatu lelei mo tagata uma.
O le sini autu o le Rainbow Network le siitia o le iloa i ē faasino i le Community Rainbow i totonu ma fafo atu o le faalapotopotoga. Na matou sainia le Pride Pledge, o se folafolaga e faavae i luga o aga tausili e faailoa ai le moni o le lagolagoina o le saogalemu, vaaiga ma le tau aofia o sui o le rainbow i mea faitele ma galuega ua tofia ai.
Ua savalia le lua tausaga o avea ma sui o le Pride Pledge Gold ma ua tele suiga lelei mai taumafaiga e siitia ai le iloa ma le faatupu o le malamalama o le aufaigaluega i taumafaiga a le Rainbow Community, e aofia ai le avea ma sui tauva mo le faailoga 2023 Rainbow Excellence Awards. E telē le aogā i le faalapotopotoga o avanoa e maua ai e tagata faigaluega lagona talisapaia ma le saolotoga e faaali ai lona ituaiga moni, ma ua molimauina le telē o le suiga i le auai ai i avanoa e talatalaina ai manatu, soifua manuia ma le maua ai o mea aogā, faapea ma le tosina ma le tamau ai i tagata faigaluega.
Sui tauva mulimuli o le NZ Rainbow Excellence Awards 2023 - Aokuso 2023
E lagolagoina, fautuaina, ma fesootai e le Neurodiversity Network sui ma paaga e tulaga ese le mafaufau o galulue i totonu o Kāinga Ora. O lo o saunia avanoa e siitia ai le malamalama i manaoga faapitoa e lē mafai ona vaaia ma le malamalama i manaoga taitoatasi e maua gofie ai mea o moomia. O le faamoemoe le aveese o mea o fai ma faalavelave o tuutaia ai le auai atoatoa o tagata uma i galuega ua tofia ai.
E pei foi o tulaga na matou ola mai ai ma molimauina, matou te:
- fautuaina taiala faavae o faiga e sapaia uma ai tagata (mo se faataitaiga, faiga e faafaigaluegaina tagata, faafoega o faatasiga ma fonotaga)
- faia folasaga i le tulaga ese o le mafaufau
- manatu tusia e faasalalau i le tafailagi o fesootai ai le faalapotopotoga
O lupe sa vao eseese, ua fuifui faatasi
E ui i le eseese o tuluiga o le Pasifika tatou te tupuga mai ai ae tasi lava lo tatou faamoemoe
E telē le sao o tagata Pasifika i totonu o Kāinga Ora e auala atu i meafai o auai ai ma matafaioi ua tofia e galulue ai i soo se vaega o le faalapotopotoga. E tolu vaega e faamaopoopoa fesootaiga i le atunuu atoa mo tagata Pasifika o faigaluega i Kāinga Ora. E lagolagoina vaega taitasi e se komiti faafoe e tutonu i Aukilani, Waikato ma Ueligitone.
E faavae i luga o aga tausili faa-Pasifika, ma o le faamoemoe o fesootaiga nei le saunia o avanoa e felagolagomai ai ma mitamita ai i faasinomaga, faatupu ai le malamalama ma fesootai ai tagata Pasifika o galulue i matagaluega a le malo, ma sapaia atili ai faiga faa-Pasifika i totonu o Kāinga Ora. E malosi se manatu i fesootaiga nei e faavae faiga e fusia uma ai le isi augatupulaga Pasifika ina ia faaauau le tautua i tagata o faaaogaina auaunaga ma tagata lautele.
Whakatauki: Mā mua ka kite a muri, Mā muri ka ora a mua.
E avea taitai ma faasinoala i le au soo, ma avatu e le au soo le ola i taitai.
O le Ngā Mata National Māori Network e saunia ai avanoa e lagolagoina ai sui auai ia malu i ona tu ma agaifanua, malamalama ma fesootai i lona tulaga o se sui faigaluega Māori a le malo, ma faatupu ai faiga faa-Māori i totonu o Kāinga Ora.
E matuai lagolagoina malosi fesootaiga nei e vaega e 7 o taulai ia fesootai sui auai ma isi i totonu o lotoifale o galulue ai. E sapaia ma faamanatuina e Ngā Mata ituaiga tupuaga eseese i fonotaga faalotoifale ma le atunuu aoao, e fesootai ai i taimi uma sui auai i se fonotaga faalemasina e faia i luga o le initaneti. O fonotaga nei e saunia ai isi avanoa mo sui auai ia maua fesootaiga, malamalama, lagolagosua ma le fetausiai; faalauiloa ai taumafaiga a tagata Māori ma meafai faalotoifale; avanoa e faasoa mai ai Tuafale Māori; saoloto ai le faasoa i faiga faa-Māori; e faatupu ma sapaia ai le te reo Māori, agaifanua, faasinomaga, ma pesepesega; ma faatuputeleina ai te ao Māori i totonu o Kāinga Ora.
O le faamoemoe a le Kāinga Ora Women’s Network le avea ma sui o tamaitai mai tupuaga eseese o faafaigaluega e Kāinga Ora, e faatupu avanoa tutusa tau itupa ma sapaia taleni lelei.
E taulai i le faalauiloa o faatasiga i totonu ma fafo atu o le faalapotopotoga ma avanoa e atiae ai tomai faafaigaluega. O faatasiga nei, e faatupu ai se lagona fesootai ma le felagolagomai i le va o sui auai. E i ai foi le faamoemoe e saunia se avanoa e mafai ai e tamaitai o faigaluega i le Kāinga Ora ona felagolagomai, fefaasoaai tomai, ma faalaeiau le tasi i le isi.
O le Pan Asian Network, o se fesootaiga e sapaia uma ai agaifanua eseese Pan Asian. E i ai le faamoemoe e saunia se avanoa mo tagata faigaluega Pan Asian e fesootai, faasoa, ma faalauiloa a latou agaifanua. O le auga faavae le fesootai, galulue ma aoao faatasi mea e faatupu, talia ma maopoopo ai se manatu e atiae ai suiga i totonu o le faalapotopotoga ma o avanoa faapenei, e mafai ai ona faafaigaluega soo se ituaiga tupuaga ma tomai ma sapaia meafai eseese.
Kia whānau tupu ngātahi – matou te galulue ma aoao faatasi mea e fesootai, faatupu ma sapaia ai agaifanua eseese.
O le sui faigaluega a le Kāinga Ora o lo o Taitaifono i le fesootaiga lautele lenei a le Malo. E tatala le avanoa i le aufaigaluega uma e iai manaoga faapitoa po o le fia auai ai e sapaia/lagolagosua ai i se isi tagata.
Uma na faafou le itulau: 13 September 2023