Ō mātou kōtuinga e arahina ana e ngā kaimahi
I Kāinga Ora e pūmau ana mātou ki te whakatipu i te kanorautanga puta noa i te whakahaere me te whakamana i tētahi ahurea manaaki i roto i ā mātou mahi katoa.
Ko te wawata o Kāinga Ora kia noho hei whakahaere rawe ki te mahi, he tuku ratonga i runga i te auaha me te wairua tautoko, ā, he hoa whakaaronui, e uaratia ana hoki e ōna kaiwhakarato me ngā hapori e mahi tahi ana mātou me roto hoki. E mōhio ana mātou ko te mea nui mō te whakatutuki i ēnei whāinga ko te kaha o te whakahaere me rātou katoa e mahi ana i konei ki te kauawhi me te poipoi i ngā mātāpono me ngā tikanga o te kanorautanga me te manaaki.
He kanorau, he manaaki a Kāinga Ora, ā, ko tō mātou hiahia mō ā mātou kaimahi kia:
- Whai wāhi atu ki ngā arawātea whai mahi tika me te tōkeke me tētahi wāhi mahi whakahāwea-kore.
- Haumaru, kia whakamarutia, kia uaratia hoki i te mahi.
- Ngākau tapatahi katoa rātou i te mahi.
- Tūhono, kia mārama, ā, kia whakaata hoki i te hapori e mahi ana mātou.
He maha ō mātou kōtuinga e arahina ana e ngā kaimahi he wāhi haumaru mō te kōrerorero, te tuari me te ako mō te katoa.
Ko te whāinga nunui a te Kōtuinga Āniwaniwa ko te whakatairanga i te mōhio ki tō mātou Kōtuinga Āniwaniwa i roto me waho. Nā tērā, kua waitohu mātou i te Kī Taurangi a Pride, he paiherenga ā-uara tērā e ū ana mātou hei whakaatu i tō mātou pūmau ki te haumaru, te kitetanga me te manaaki i ngā mema āniwaniwa katoa o tō tātou hapori, ohu mahi hoki.
Kua uru mātou ki te tau tuarua ināianei o te mematanga taumata Kōura o Kī Taurangi a Pride, ā, he tino te anga whakamua ki te whakatairanga i te mōhio me te mātauranga ki ā mātou kaimahi i roto tō mātou Hapori Āniwaniwa momoho, me te uru ki ngā whiringa toa o te 2023 Rainbow Excellence Awards. Ā-whakahaere nei, ina rongo ngā kaimahi i te wairua manaaki me te noho tuwhera o ō rātou ake ngākau i te mahi, ka tino pai kē atu te kitea o te kōrerorero tahi, te oranga me te whakaputaranga, tae atu ki te whiwhi me te pupuri kaimahi.
I uru ki ngā whiringa toa o te NZ Rainbow Excellence Awards 2023 - Ākuhata 2023
E tautoko ana tō mātou Kōtuinga Io Aro-huhua me te whakamōhio me te tūhono i ō mātou kaimahi me ngā hoa io aro-huhua i Kāinga Ora. Kei te whakapau kaha mātou ki te hāpai i te mōhio ki tēnei hauātanga ngaro me te mārama ki ngā hiahia urutomo o te tangata. E whai ana mātou ki te turaki i ngā tauārai ki te whakaurunga whānui i te mahi, mō te katoa.
Mai i tō mātou tino mōhio, ko tā mātou he:
- tuku tohutohu mō ngā tikanga me ngā kaupapahere manaaki (hei tauira, te tuku mahi, te whakahaere taiopenga me ngā hui)
- tuku kauhau mō te io aro-huhua
- tuhi ngātahi i ngā tuhipānui mō te whatungaroto
O lupe sa vao ese’ese, ae ua fuifui faatasi
Nō ngā wāhi rerekē tātou o te ngahere engari ko tētahi take hono i a tātou
He nui ngā mahi e puta ana i ngā iwi o Te Moananui-a-Kiwa ki a Kāinga Ora mā tō rātou whakauru mai me ō rātou tūranga puta noa i ngā tūmomo wāhi i te whakahaere. I tēnei wā e toru ngā kōtuinga puta noa i te motu e pūmau ana ki te tūhono i ngā iwi o Te Moananui-a-Kiwa i Kāinga Ora. E tautokona ana tēnā kōtuinga me tēnā kōtuinga e tētahi rōpū mahi e mahi ana te nuinga i Tāmaki Makaurau, Waikato me Te Whanganui-a-Tara.
E paiherea ana e ngā uara o Te Moananui-a-Kiwa, ko te whāinga o ngā kōtuinga he tuku wāhi tautoko mō ōna mema kia tau ai ā-ahurea, kia mārama, kia tūhono hoki hei kaimahi tūmatanui nō Te Moananui-a-Kiwa, e puta ai te āhuatanga Te Moananui-a-Kiwa i Kāinga Ora. Huihui katoa e pūmau ana ngā kōtuinga ki te whiri i ngā tūāpapa mō te reanga whai ake o ngā iwi o Te Moananui-a-Kiwa ki te mahi mā ā mātou kiritaki, hapori hoki.
Whakataukī: Mā mua ka kite a muri, Mā muri ka ora a mua.
Ko te hunga kei te ārahi ngā mata mō te hunga e whai ana, ko te hunga e whai ana te ora mō te hunga kei te ārahi.
E tuku ana Ngā Mata i ngā wāhi tautoko mō ōna mema kia tau ai ā-ahurea, kia mārama, kia tūhono hoki hei kaimahi tūmatanui Māori, e puta ai te āhuatanga Māori i Kāinga Ora.
E tino tautokona ana tō mātou kōtuinga e ngā rōpū e 7 e arotahi ana ki te āwhina i ngā mema kia tūhono tētahi ki tētahi i roto i te rohe. E whakanui ana a Ngā Mata i te kanorautanga i ngā hui ā-motu, ā-rohe hoki, e tūhonohono haere ana ki ōna mema i runga hui tuihono i ia marama. Kei ngā hui ko ngā arawātea atu anō mō ō mātou mema; te whanaungatanga, māramatanga, tautoko me te manaaki tētahi ki tētahi; te whakatairanga i ngā kaupapa Maori me ngā mahinga i te rohe; te tuku tono ki ngā kaikōrero Māori iwi taketake motuhake; te tuku whakaaro Māori i tētahi wāhi haumaru; te hāpai me te whakanui i te reo Māori me ōna tikanga, whakapapa, waiata; me te tino hāpai i te ao Māori i Kāinga Ora.
Ko te whāinga o Te Kōtuinga o Ngā Wāhine he whakakanohi i te kanorau o ngā wāhine puta noa i Kāinga Ora, te whakatairanga i te mana ōrite o te ira tangata me te whakanui i ō tātou pūmanawa rawe.
E aro ana te kōtuinga ki te whakatairanga i ngā taiopenga tuitui taura here i roto me waho me ngā arawātea whanaketanga ngaio. Mā ēnei taiopenga, e whai ana mātou ki te whakatipu i tētahi wairua tūhonohono me te kotahitanga i waenga i ngā mema. E whai ana hoki mātou ki te takawaenga i tētahi wāhi e taea ai e ngā wāhine i Kāinga Ora te tautoko tētahi i tētahi, te tuku i ō rātou mōhiotanga ngaio me ō rātou wheako, kia whakahihiritia.
I te Kōtuinga Āhia Whānui, e pūmau ana mātou ki te kauawhi i te kanorautanga o ngā ahurea Āhia Whānui. Ko tā mātou e whai ana ko te whakarato i tētahi kaupapa mā ngā kaimahi nō Āhia Whānui kia tūhono, te tuku i ō rātou wheako, me te hāpai i te mōhio ki ngā ahurea. Ko tā mātou kaupapa he tūhono, he mahi me te ako ngātahi ki te whakatairanga, te whakanui, ā, kia kotahi hoki te reo hei whakaawe i ngā rerekētanga i roto i te whakahaere, mā tēnei ka tautoko mātou i te paiherenga whānui o te kanorautanga me te manaaki.
Kia whānau tupu ngātahi – ka mahi tahi me te ako ngātahi ki te tūhono, te whakatairanga, te whakanui i tō tātou kanorau ahurea.
Ko tētahi kaimahi a Kāinga Ora te Heamana o tēnei kōtuinga Kāwanatanga whānui. E tuwhera ana tēnei ki ngā kaimahi katoa kei roto i te hapori hauā, kei te hiahia rānei ki te whakauru atu hei hoa/kaitautoko.
Kua whakahoungia te whārangi: 13 Mahuru 2023