Whakapā mai
Tenant enquiries
- For all tenant specific enquiries complete our online form
- Login to MyKāingaOra(external link)
- Visit our Tenant help and support page to find answers to common questions on your home, maintenance, rent and more.
Contact our Customer Support Centre 0800 801 601 (New Zealand only) for all enquiries between 8am to 6.30pm, Monday to Friday and 24/7 for urgent calls.
General enquiries
Mō ngā uiui me ngā whakahokinga whakaaro katoa, whakaotihia tā mātou puka tuihono
Waea koreutu: 0800 801 601 (Aotearoa anake)
Whakapā mai ki tā mātou Pokapū Tautoko Kiritaki e whakautu ana i ngā uiui katoa mai i te 8am ki te 6.30pm, Mane ki te Paraire me ngā waea kōhukihuki i te ao i te pō.
Ngā kaiwaea i tāwāhi: +64 4 439 3253 i waenga i te 8am i te ata ki te 6pm i te pō NZT.
He utunga ā-ao te utu.
Me tuhi:
Kāinga Ora – Homes and Communities
National Office
PO Box 2628
Wellington 6140
Ō mātou wāhi: toro mai ki ā mātou tari o Kāinga Ora i ngā wā katoa i waenga i te 9 i te ata ki te 4 i te ahiahi, Mane ki te Paraire.
Te tukanga tuku urupare mai, tuku amuamu rānei
Ko te tikanga he kiritata pai ngā kaireti a Kāinga Ora, ka mutu he wāhi pai ngā hapori mō te noho – me te aha he pērā te nuinga.
Engari i ētahi wā ka pupū ake he raruraru, nō reira ki te pērā ka tere tonu mātou ki te rapu i te whānuitanga o te kōrero i aha, ka tahuri ki te hāpai mēnā e hiahiatia ana.
Mēnā e hiahia ana koe ki te amuamu tuihono me whakamahi i tā mātou Puka whakaaro me ngā uiui, ka tīpako noa i te 'Amuamu' i raro i te 'Momo uiui'
Ina whakapā mai koe ki a mātou mō tētahi raruraru kua pā ki a koe, kei reira ētahi mōhiohio hira me whiwhi mātou kia pai ai te tūhura. Me whakamōhio mai ki a mātou:
- He aha te raruraru, ā, he pēhea te hāngai ki a Kāinga Ora
- Mēnā kei te whakapā mai koe mō tētahi whare ake o Kāinga Ora, me whakamōhio mai i te wāhi noho
- Mēnā kei te whakapā mai koe mō tētahi āhuatanga ake, me whakamōhio mai:
- I te rā me te wā i pā mai te āhuatanga
- Ko wai te hunga kei roto
- Ētahi atu mōhiohio hāngai ki ōu whakaaro ka āwhina pea i a mātou ki te whakatau i te raruraru.
E tūtohu ana mātou kia tukuna mai anō e koe tō ingoa, tō wāhi noho me ō taipitopito whakapā. Ko te tikanga o tēnei ka whakapā atu anō mātou ki a koe ki te kōrero atu kei te aha mātou mō te āhuatanga, te tuku pātai anō mēnā e hiahiatia ana. Engari, ka taea e koe te noho muna mēnā ka hiahia koe.
He mea nui ki a mātou ngā amuamu, ā, ka kakama tonu mātou ki te rapu i te kōrero whānui i aha hei āwhina ki te whakatau i te take. Ko ā mātou mahi kei te āhua o ngā āhuatanga, ā, e aro ana mātou ki te whakarite i tētahi putanga tika.
E mōhio ana ā mātou kaireti ki ngā here kei runga i a rātou hei kaireti, hei kiritata hoki. Ki te kore e ū ki ēnei herenga, ka whakamahia e mātou ngā tikanga i raro i te Residential Tenancies Act (RTA) kia rerekē ai ō rātou whanonga. Mā te RTA ka āhei ngā kairetiwhare ki te kōkiri i te take kia mārama ai kāore i te pai taua whanonga, te neke kaireti me te whakakore retihanga.
Ina whakamahi i te RTA, kei reira te hātepe hei mātua whai mā ngā kairetiwhare. Ahakoa he roa pea tēnei, me mātua whai mātou i te hātepe tika.
Ahakoa e whai ana mātou ki te whakamōhio haere i a koe i roto i tēnei hātepe, he mea nui kia mōhio koe he whāiti ngā mea ka taea e mātou te tuku ki a koe i raro i te Ture Matatapu. Arā, kāore e āhei mātou ki te tuku mōhiohio mō ngā mahi tauwhāiti i whai mātou, ngā mahi whai ake rānei.
E mārama ana mātou ka hōhā pea koe i tēnei engari me mōhio koe kei te tino whakapau kaha mātou kia wawe te whakatau i ngā raruraru. Ahakoa he ahurei ngā mahi ake ka whāia e mātou mō ia āhuatanga, kei roto pea i ērā ko te:
- Kōrerorero ki ā mātou kaireti mō te āhuatanga me ngā mea ka taea e rātou hei whakatau i te āhuatanga – i te nuinga o te wā mā tēnei noa iho kua tau taua āhuatanga.
- Tuku tautoko whaikiko ki ngā kiritaki hei āwhina i a rātou ki te āwhina ki te whakatau i ngā raru mō ngā para, mahi tautiaki rānei.
- Tūhono i ngā kaireti ki ngā tari tautoko hei whakarite i te pūtake o te raruraru.
- Whakamahi i ngā tikanga i raro i te Residential Tenancies Act ina hiahiatia, tae atu ki tuku pānui takahi tikanga, whakatūpato rānei.
- Ina whiwhi mātou i tētahi amuamu, ko te whāinga kia whakamanahia tērā i roto i te rua rā mahi me te whakapā haere ki a koe i a mātou e tirotiro ana i te āhuatanga.
Mēnā kei te tatari koe mō tētahi kōrero, me whakapā mai ki tā mātou rōpū Tautoko Kiritaki i 0800 801 601 kia pai ai tā mātou whaiwhai ake me te rōpū o te rohe.
Tērā ētahi āhuatanga he pai ake te whakapā atu ki tētahi atu tari ki te āwhina, i mua i te whakapā atu ki a Kāinga Ora. Ka uru ki tēnei:
- Mēnā ki ōu whakaaro kei te noho mōrearea tonu te tangata, me waea tonu atu ki 111
- Mēnā kei te māharahara koe mō ngā mahi kino pea, me whakamōhio atu ki ngā Pirihimana i 105
- Mēnā ko te turituri te raruraru, me whakapā atu ki te tari whakahaere turituri i tō Kaunihera
- Mēnā ko ngā kurī te raruraru, me waea atu ki Animal Control i tō Kaunihera
- Mēnā kei te māharahara koe mō te ora o ngā kararehe, he mōkai rānei kua whakarērea, me whakapā atu ki te SPCA tūtata.
Ina pūrongohia e koe tō māharahara ki tētahi o ēnei whakahaere, me whakapā mai ki te whakamōhio mai kei te aha, ā, kua whakapā atu koe ki ētahi atu mana. Ko te tikanga o tēnei i tua atu i tā mātou whaiwhai ake i ō māharahara, ka taea hoki e mātou te toro atu ki te tari tika ki te rapu mōhiohio atu anō mēnā e hiahiatia ana.
Kua whakaurua mai e mātou tētahi aronga hou hei whakahaere i ngā whanonga whakararuraru, ā, ko tōna kaupapa ko te noho mārō me te tōkeke, me te tōtika ake o te whakamahi i te Residential Tenancies Act (RTA) kia rerekē ai te whanonga, kia mārama hoki te whakaita i ngā whanonga whakararuraru.
E pūmau ana mātou kia pai mātou hei kairetiwhare. Kei roto i tēnei kia taurite i waenga i ō mātou kawenga ki ā mātou kiritaki – he uauatanga tonu mō ētahi – me te whakarite kei te pai ētahi atu i roto i te hapori. He mea hanga tā mātou aronga hou kia tutuki tēnei tauritenga.
Ahakoa ka mārama tonu mātou ki ngā āhuatanga o ā mātou kaireti me te whakapau kaha kia mōhio ai he aha e pērā ai ō rātou whanonga, e mārama ana te kōrero ki ā mātou kaireti ka raru tā rātou retihanga i ngā mahi whakararuraru nui.
Kua whakaurua mai e mātou tētahi tikanga mō ngā āhuatanga ka raru te haumaru i ngā mahi a te kaireti, he whakararuraru me te tohetohe rānei, ā, kāore e aro ake ki ā mātou whakatūpato. I ēnei āhuatanga, ka tono mātou ki te Taraipiunara Retihanga kia whakakorehia te retihanga – ka mutu kāore e whakaratoa e mātou he kāinga anō mō rātou.
E aro ana ēnei huringa hei whakarite i ngā whanonga whakararuraru tino taumaha. He iti noa te nuinga o ngā raru e whakapā mai ana te tangata arā ko aua raru noa i waenga i ngā kiritata puta noa i te motu, pērā i te turituri o ngā motukā, kāore i te topea auautia ngā otaota, te nui rānei o te hāereere ake o ngā manuhiri ki tētahi kāinga. Ka whakaritea tonutia e mātou ēnei momo māharahara puta noa i ā mātou whakahaere onāianei.
Rapu kōrero atu anō mō tā mātou kaupapa whakahaere i ngā whanonga whakararuraru.
Contact us about
Connecting Now
Ko Connecting Now ko tētahi ratonga kaiwhakamāori utukore mā te waea ka tukuna kia kōrero mai koe ki a mātou ki te reo e tau ana ki a koe. He neke atu i te 40 ngā reo rerekē o Connecting Now, ā, ka taea e koe te tono ki ērā ina waea mai koe ki a mātou.
New Zealand Relay Service
Ka taea e ngā kiritaki turi te whakamahi i te New Zealand Relay (NZ Relay) ki te whakapā mai ki a mātou.
Torohia te paetukutuku a New Zealand Relay Service(external link)mō ētahi mōhiohio anō.
Mō ngā āwhina me ā mātou hua whai kāinga:
Īmēra: firsthome.enquiries@kaingaora.govt.nz
Mēnā nō tētahi whakahaere pāpāho koe, ā, he uiui tāu mō Kāinga Ora – Homes and Communities, īmēra ki: mediaenquiries@kaingaora.govt.nz
Kaua e whakamahia tēnei wāhitau īmēra mō ngā uiui kiritaki, arowhānui, pakihi rānei.
Ngā uiui pāpāho e hāngai ana ki ngā kiritaki a Kāinga Ora
Ka taea anake e mātou te whakarato kōrero mō ngā āhuatanga e hāngai ana ki ngā kiritaki takitahi mēnā kua waitohu te kiritaki i tētahi puka Consent to Disclose Information to Media [PDF, 119 KB] e tuku mai ana i te whakaaetanga ki a mātou ki te tuku i ngā mōhiohio hāngai.
Ka whakaae mātou ki te kape kua matawaihia, kua whakaahuangia rānei o te puka kua oti mēnā ka tukuna mai ki a mātou mai i te wāhitau īmēra i tā mātou mauhanga mō te kiritaki.
Ka taea hoki te tuku mai i tētahi kape i waitohua kua matawaihia, kua whakaahuangia rānei o te puka kua oti mai i tētahi atu wāhitau īmēra mō te kiritaki. Engari me mātua whakauru koe i tētahi kape kua matawaihia, he whakaahua rānei o te kāri tautohu a te kiritaki, ko te painga atu me te kitenga o te whakaahua me te waitohu ki te ID.
Ki te kite ā-wheako koe, ki te kite rānei koe i ngā kaimahi, i ngā kairēti, i ngā kaikirimana rānei a Kāinga Ora e hē ana te mahi, te whanonga rānei ka taea te pūrongo mai ki tō mātou Integrity team. Ko ētahi tauira o te tinihanga ko te rēti anō i ō mātou whare noho, ko te raweke hua pūtea, ko te whakapōhēhē, ko ngā pānga taupatupatu rānei.
- waea: 0800 8355 469 – 24 haora, 7 rā i te wiki
- ka taea e koe te tuku pūrongo kirimuna ki Integrity Line NZ – Aho Ngakaupono(external link)
- whakaoti i tā mātou puka ngā urupounamu ā-ipurangi mā te tīpako i 'Suspected fraud'
Mā te Wāhanga 80 o te Public and Community Housing Management Act 1992 (PACHMA)(external link) ka taea e Kāinga Ora; te tuhi atu ki te tono mō ngā kaupapa tauwhāiti, hei tauira, te whakamahi hē i ngā pūtea. Ka tukuna te pānui ā-tuhi i raro i te Kāinga Ora PACHMA Code of Conduct [PDF, 409 KB], ka tukuna i raro i te wāhanga 86 o te PACHMA.
Mō ngā urupounamu e hāngai ana ki ngā whanaketanga nunui
Waea: 0800 801 601
Tuhi ki:
Kāinga Ora – Homes and Communities
Hobsonville Office
PO Box 84143, Westgate
Auckland 0657
Mō ērā atu urupounamu whanaketanga ā-tāone katoa
Waea: 0800 801 601
Tuhi ki:
Kāinga Ora – Homes and Communities
PO Box 74598, Greenlane
Central Auckland 1546
Ko ngā mōhiohio ōkawa ko ngā mōhiohio katoa e puritia ana e tētahi tari ka taea te tono e te marea. Ka taea te whakauru ki ēnei tono:
- ko ngā tuhinga, ko ngā pūrongo, ko ngā manatu, ko ngā reta, ko ngā īmēra, ko ngā hukihuki hoki
- ko ngā mōhiohio kāore i tuhia, pērā i ngā mauhanga ataata, rīpene rānei
- ko ngā take mō ngā whakatau mōu
- ko ngā puka ārahi e whakatakoto ana i ngā ture ā-roto, i ngā mātāpono, i ngā kaupapahere, i ngā aratohu rānei mō te rapu whakatau
- ko ngā rārangi take, ko ngā meneti hoki o ngā hui, tae atu ki ērā kāore i te tuwhera ki te marea.
Hei tuku i tētahi tono OIA, whakaotihia tēnei puka, ā, ka whakahoki kōrero mātou ki a koe i roto tonu i te 20 rā mahi.
Te tono kōhukihuki
Ka tono pea koe kia kōhukihuki te whakautu ki tō tono, ā, ki te pērā me mātua tuku koe i ngā pūtake mō te rapu mōhiohio kōhukihuki.
Ka arotakengia e Kāinga Ora mēnā he tika kia wawe te whakautu ki tō tono i runga ake i ētahi atu tono me ā rātou mahi noa. Engari, ko ngā wā whāiti mōrahi kei roto i te OIA hei whakaroa, whakawhiti me te tuku whakatau mō tō tono, ka noho tonu.
Kua whakahoungia te whārangi: 26 Haratua 2026