Feoaiga sao gofie i fale Kāinga Ora

Tinoifale

E avea fausaga masani o fale e mafai ai ona faataunuu le fau o fale mo tagata lautele e maua ai le nofo lelei o tagata, e aofia ai (ae e le gata i ai) ulugalii talavou ma fanau laiti, soo se augatupulaga ua fetaiai ma se lavea po o se faamai mo se vaitaimi le tumau, tagata o faaletonu le gaioi, faaletonu le vaai ma le malamalama i mea o tutupu, faapea ma le faatupulaia o tagata ua loa le soifua.

E aofia i fausaga masani nisi o vaega lautele nei:

Faigofie: lautetele auala mai nofoaga e paka ai taavale faasolo atu i le auala tele, leai ni sitepu e tau laa ai i luga pe a mafai, po o le faapipii o se patu i luga o auala e faalemu ai taavale feoai.
Faaaoga gofie: faigofie na faaaoga faitotoa ma ‘au o kapoti, faletaele ma potumoe i le fogafale lava e tasi e ulufale atu ai i le potu malolo (po o le fau i se faiga e faigofie ai ona suia i se taimi mulimuli ane).
Saogalemu: fai fola e le maseesee mo faletaele ma umukuka.
Suia gofie: lautele o se faletaele e gafatia ona suia ina ia faigofie ona faaaoga atoa pe a moomia i se taimi mulimuli ane (mo tulaga ua moomia ai ona matou suia) mo ituaiga sugia ua faia mo le polokalame atoa.

Tagata o faaaogaina a matou auaunaga

O lo o matou faaleleia faiga e faafaigofie ai le soifua ma le ola i fale fou ma fale a le malo o iai nei mo tagata o faaaogaina a matou auaunaga. O la matou faamoemoe le saunia o fale e saogalemu i le nofo ina ia tuuitiitia le ola faalagolago, mafai ona mafuta ma aiga ma uo o fia asiasi atu, ma e le o taotaomia ai le auai i meafai mo tagata lautele.

Na sainia e le Kāinga Ora se Accessibility Charter.(external link) O le pule faavae lea o lo o faamauina ai galuega ua matou folafola e faamautinoa ai o faaaoga e tagata a matou auaunaga i se auala e fetaui ma manaoga taitoatasi ma faamalosia ai le ola tutoatasi ma le mamalu. O lona uiga matou te faia tulaga e faamautinoa ai le tele o faiga eseese e maua ai faamatalaga e aofia ai lomiga tetele ma videos.

Matou Taiala Faavae

Na matou tuufaatasia la matou taiala faavae e tusa ma talatalaga ma a matou paaga e aiaina mataupu tutusa e aofia ai tagata e faaaogaina a matou auaunaga ma o latou aiga.

Na faapena ona tuufaatasia ai se fuafuaga o galuega faatino e faataunuu ai ma le manuia le taiala faavae, na sainia aloaia talu ai nei e le komiti faatonu. O le fuafuaga lea e fesoasoani ia matou ausia taunuuga autu o tusia i le taiala faavae.

Taunuuga autu

E tolu taunuuga autu na faavae i ai le Taiala Faavae ma e lagolagoina e aga taualoa ma tautinoga.

1. Faaopoopo i le numera o fale e ausia tulaga faatonuina o fausaga masani

Tulaga faatonuina o fale

Toe iloilo ma faamaonia a matou tulaga faatonuina o fausaga masani

Fau fale fou

Faaopoopo i le numera o fale fou e fau, ma e fau e tusa ma tulaga faatonuina o fausaga masani
Faataunuu a matou folafolaga i sini fou o faamoemoe i ai
Faamautinoa le iai o auala eseese masani e sao gofie ai feoaiga

Fale o iai nei

Faataitai le aogā o tulaga faatonuina o fausaga masani o se vaega o galuega e toe suia ma toe faafou ai polokalame o faataitai ai le aogā
Iloilo ma faamaonia lautelega o galuega e faia i le lumanai
Saunia faamoemoe autu mo galuega e toe faafou ma toe suia ai

2. Ausia manaoga o tagata taitoatasi o faaaogaina a matou auaunaga

Suiga

Lagolago tagata nofo mautotogi e auala atu i le faatupega o galuega na faatalosagaina
Galulue ma faalapotopotoga o faatupea galuega e faaleleia faiga o faagasolo ai galuega
Suia e i matou lava se fale po o le saunia o se fale ia fetaui tonu ma tulaga o moomia mo se tagata nofo mautotogi na matou talosagaina e siitia e nofo ai
Suia e i matou lava se fale po o le saunia o se fale ia fetaui tonu ma tulaga o moomia pe afai o se auala talafeagai sili lea mo le ausia o manaoga o tagata nofo mautotogi

Auala faapitoa e tali atu ai

Faaaoga faamatalaga faamauina o le moomia o se fale e fua i ai auala faapitoa e tali atu ai mo vaega eseese e pei o tagata matutua ma tagata logonoa
Faaauau le saunia o auala e tusa ma manaoga o tagata nofo mautotogi i le Community Group Housing
Faatupu isi faiga e lagolagoina ai le soifua o tagata e iai manaoga faapitoa

3. Faaleleia faamatalaga ia atagia ai manaoga o tagata o faaaogaina a matou auaunaga ma le faafaigofieina o feoaiga i fale o matou umia

Faamatalaga mo tagata o faaaogaina a matou auaunaga

Aoina mai ma le faamauina o faamatalaga o manaoga o tagata o faaaogaina a matou auaunaga.

Faamatalaga tau aseta

Faailoa ma faamauina fausaga e faafaigofie ai feoaiga i totonu o fale o matou umia.

Itulau o le Taiala Faavae Feoaiga Sao Gofie [JPG, 1.8 MB]

Uma na faafou le itulau: 21 March 2023